बालोद भाजपा किसान मोर्चा पर्यावरण दिवस म एक पेड़ लगाओ अभियान के करिस सुरुआत.. 10000 पेड़ के रखिस लक्ष्य...

भाजपा जिला किसान मोर्चा बालोद जिला ह आज विश्व पर्यावरण दिवस के अवसर म "एक" पेड़ लगाएं के सुरुआत करिस। जेमा भारतीय जनता पार्टी अउ किसान मोर्चा के कार्यकर्ता गण म अपन घर म एक पौधा लगाके कार्यकर्ता मन उत्साह पूर्वक भाग लेके अपना सेल्फी सोशल मीडिया प्लेटफार्म पर अपलोड करे हे। 

पर्यावरण प्रेमी मन येला प्रेरणा ले सके ये संबंध म जिलाध्यक्ष किसान मोर्चा तोमन साहू ह बताइस किसान मोर्चा जिला बालोद ले एक छोटा ले प्रयास म विश्व पर्यावरण दिवस के अवसर म जल जंगल जमीन जानवर अउ जन ल बचाये के अभियान चालू हो गेहे। अभी जिला अउ मंडल स्तर म बड़का रूप ले ये अभीयान चलाये जात हे। जेमा जिला भर म लगभग 10000 पौधा लगाये के लक्ष्य तय करे गेहे। 

जिला उपाध्यक्ष लीलाराम सोंनबोईर ह बताइस आज एक पेड़ के संकल्प लेके अपन जिम्मेदारी के निर्वाहन ल करत पौधारोपण के कार्य करे गिस। जेकर देखभाल म खुद करे के संकल्प ले गेहे। 

जिला महामंत्री हेमंत साहू ह कहिस आज करोना काल म ऑक्सीजन के महत्व बताये गेहे जेमा किसान मोर्चा के माध्यम ले लोगन ल जागरूकता करके पेड़ लगाये के बर प्रेरित करे जात हे। 

जिला महामंत्री मनोहर सिन्हा ह बताइस आज मेहा कोविड सेंटर म हेव अउ पार्टी के आदेश म सामाजिक सरोकार के निर्वहन करत मैं भी एक पौधा लगाये के प्रण लेवत हो। एक पौधा लगाये के संकल्प के पर्यावरण संवर्धन सार्थक हो सकत हे । 

अभियान म प्रदेश कार्यसमिति सदय चेमन देशमुख, सोमेश साहू, पुष्पेंद्र चंद्राकर, नागेंद्र चौधरी, जिला उपाध्यक्ष मदन साहू, रमेश सोनवानी लीलाराम सोंनबोई महामंत्री हेमंत साहू मनोहर सिंह मंत्री गण टिकेश्वर पांडे विजय सोनकर कोषाध्यक्ष रोमन सोनकर डॉक्टर लक्ष्मी कांत साहू अनिल साहू भूपत हटीला मंडल अध्यक्ष गन पन्ना साहू मतेंद्र वैष्णो उमेश विश्वकर्मा शशिकांत साहू टीकाराम निषाद विश्वकर्मा जनपद सदस्य सदस्य हरीश चंद्र साहू संदीप साहू सांसद प्रतिनिधि संदीप लोढ़ा पंकज चौधरी सोमेंद्र साहू सौरभ नीलम निर्मलकर प्रमोद यादव राजा यादव टीका राम साहू मन ह वृक्षारोपण कर अपन सहभागिता प्रदान करिस।